STATUTO
DE UKRAINIA ESPERANTO ASOCIO

"ESPERANTO" estas la internacia lingvo, iniciatita en 1887 far L.L. Zamenhof kaj uzata por la internacia komunikado.

"ESPERANTISTO" estas la persono, posedanta (uzanta) la lingvon Esperanto. "Ukrainia Esperanto Asocio" (mallongigo UkrEA), poste "la Asocio" estas la unuiĝo de esperantistoj de Ukrainio.

1. Ĝeneralaj principoj

1.1. La Asocio estas volontula, bonfara, senprofita, neregistara, nepolitika socia organizaĵo, unuiganta la esperantistojn kaj adeptojn de la lingvo Esperanto en Ukrainio.

1.2. La Asocio havas la staton de tutukrainia organizaĵo, tio estas ke la agado de UkrEA disvastiĝas tra la tuta teritorio de Ukrainio.

1.3. La Asocio efektivigas sian agadon laŭ la Statuto kaj la valida leĝaro de Ukrainio kiel memstara kaj memgvidata organizaĵo.

1.3. Kreita la 21-an de majo 1989, la Asocio daŭrigas la agadon de la Tutukrainia Komitato (1925-1937), la Sovetrespublikara Esperanto Unuiĝo (1921-1937), la Esperanto-Komisiono ĉe la Ukrainia Societo de Amikeco kaj Kulturligoj kun Eksterlando (1968-1973), la Ukrainia Societo de Esperantistoj Aktivuloj (1975-1980) kaj la Ukrainia Respublika Filio de la Asocio de Sovetiaj Esperantistoj (1980-1989).

1.5. La laborlingvoj de la Asocio estas Esperanto kaj la ukraina.

1.6. La Asocio reprezentas la interesojn de ukrainiaj esperantistoj dum rilatoj kun aliaj organizaĵoj en la lando kaj eksterlande.

1.7. La Asocio kunlaboras kun la esperantistaj organizaĵoj de aliaj landoj kaj kun la internaciaj organizaĵoj.

2. La celoj, taskoj kaj metodoj de ilia plenumado

2.1. La ĉefa celo de la Asocio estas unuigi la civitanojn de Ukrainio, kiuj uzas por la komunikado la lingvon Esperanto por la kontentigo kaj defendo de iliaj legitimaj sociaj, ekonomiaj, kreaj, aĝaj, naci-kulturaj, sportaj kaj aliaj komunaj interesoj.

2.2. La ĉefaj taskoj de la Asocio estas:
        2.2.1. La agado, direktita al solvo de la internacia lingvoproblemo, ebliganta kreadon de rektaj kaj egalaj eblecoj por ĉiu homo dum la internacial rilatoj.
       2.2.2. La unuigo de esperantistoj kaj adeptoj de Esperanto por kunordigi ilian agadon, ĝeneraligado kaj disvastigado de la sperto, plialtigo de la organiza kaj metodika labornivelo.
       2.2.3. La konatigo de la landa publiko kun la problemo de internacia lingvo kaj kun ĝia solvo per Esperanto, kun la karaktero de ĉi tiu lingvo kaj kun ĝiaj eblecoj dum internacia informinterŝanĝo.
       2.2.4. La organizado de lernado de Esperanto por la dezirantoj, perado por plialtigo de la lingvonivelo kaj por la praktika uzado en la internacia vivo.
       2.2.5. La plifortigo de la interkompreniĝo, la amikeco kaj la evoluo de kulturaj rilatoj kun la popoloj de aliaj landoj por plifortigo de la paco, la sekureco kaj la kunlaborado pere de la lingvo Esperanto, la edukado en la etoso de la estimado kiel al sia popolo, tiel al aliaj popoloj.
       2.2.6. La kunordigado de la internaciaj rilatoj de ukrainiaj esperantistoj, la kunlaborado kun la internaciaj kaj kun la naciaj organizaĵoj de esperantistoj.
       2.2.7. La reprezentado de ukrainiaj esperantistoj en internaciaj organizaĵoj, dum la internaciaj kongresoj kaj renkontiĝoj.

2.3. Por atingo de la celo kaj por plenumado de la supremenciitaj taskoj, la Asocio, kunlaborante kun la ŝtataj organoj, kun aliaj sociaj organizaĵoj, kun Esperantaj organizaĵoj de aliaj landoj, kun la internaciaj Esperantaj organizaĵoj:
       2.3.1. Organizas la agadon de esperantistoj de Ukrainio, ĝeneraligas kaj disvastigas la avangardan sperton, fondas specialajn fakojn (komisionojn, sekciojn, bibliotekojn, arkivojn, fonotekojn ktp).
       2.3.2. Kreas laŭ la fiksita ordo la memfinancantajn fakojn, kiuj kontentigus la apartajn necesojn de la Asocio.
       2.3.3. Informas per la amaskomunikiloj kaj alimaniere (per la prelegoj, disputoj ktp) pri la lingvaj problemoj de la nuntempa mondo, pri la agado de esperantistoj en aliaj landoj, montras la efikon de la uzado de la lingvo Esperanto en la internaciaj kontaktoj.
       2.3.4. Organizas la regulan funkciadon de la kursoj por la lernado de Esperanto kaj por la plialtigo de la lingva posednivelo de la dezirantoj, strebas al la enkonduko de la lingvo Esperanto en la lernejprogramon, de fakultativaj kursoj en mezaj kaj superaj lernejoj kaj organizas la kursojn de Espernato per la radi- kaj televidelsendoj kaj en la periodaĵoj.
       2.3.5. Kunlaborante kun la Klerigministerio de Ukrainio organizas la funkciadon de la sistemo de la preparado kaj de la plialtigo de profesia kvalifiko de la diplomitaj Esperanto-instruistoj sur la regula bazo.
       2.3.6. Eldonadas ukrainlingve la lernolibrojn de Esperanto por diversaj tipoj de studado, la vortarojn, la alian instru-metodikan literaturon.
       2.3.7. Eldonas esperantlingve la revuon kaj la informbultenon.
       2.3.8. Organizas la eldonadon esperantlingve de soci-politika, belarta, scienc- teknika, informa, reklam-informa literaturo.
       2.3.9. Organizas la abonadon de landaj kaj de eksterlandaj eldonaĵoj, dediĉitaj al la problemoj de internacia lingvo, pri kaj en la lingvo Esperanto kaj la alvenon de la koncernaj libroj al la komerca reto.
       2.3.10. Per siaj komisionoj donas al la fakuloj la metodikan, organizan kaj alian helpon por uzado de la lingvo Esperanto en profesiaj celoj.
       2.3.11. Kunlaborante kun la turismaj organizaĵoj atingas la vastan uzadon de Esperanto en la internacia turismo.
       2.3.12. Donas la materialan, metodikan, organizan kaj alian helpon al la membroj de la Asocio en ilia plenumo de laboro laŭ la temaro de sia direkto, organizas kursojn kaj seminariojn pri la plialtigo de la profesia nivelo de la aktivuloj de Esperanto movado.
       2.3.13. Kune kun la interesiĝantaj organizaĵoj organizas la aranĝojn de diversa teritoria nivelo (la konferencojn, seminariojn, ĵamboreojn, festivalojn, publikajn inspektojn, ekspediciojn) kun la vasta partopreno de esperantistoj de Ukrainio kaj ankaŭ la internaciajn aranĝojn.
       2.3.14. Organizas la amasan korespondadon de esperantistoj de Ukrainio kun iliaj eksterlandaj kolegoj, helpante al la personaj kontaktoj kaj disvolviĝo de la "popola diplomatio".
       2.3.15. Stimulas la agadon de aktivaj kaj iniciativaj membroj de la Asocio.
       2.3.16. Faras la kontraktojn kaj laborkontraktojn kun juraj kaj fizikaj personoj pri la plenumo de laboroj, ligitaj kun la efektivigo de la taskoj, celatajn de la Asocio.
       2.3.17. Surbaze de la kontraktoj faras la pagatajn servojn kaj ankaŭ, sur la principo de la memfinancado, vendas al la organizaĵoj, instancoj kaj la loĝantaro la produktojn de la agado de la Asocio, t.e. konsultas la interesiĝantajn organizaĵojn kaj apartajn civitanojn, organizas la kursojn por lerno de la lingvo Esperanto ktp.

3.18. Kreas la fakojn de la Asocio en la provincoj, urboj kaj distriktoj de Ukrainio.

3. Membroj de la Asocio, iliaj rajtoj kaj devoj

3.1. La Asocio havas tri kategoriojn de la membroj: individuaj, kolektivaj kaj honoraj.

3.2. La individua membro de la Asocio povas iĝi ĉiu civitano de Ukrainio pli aĝa ol 16 jaroj, kiu posedas la lingvon Esperanto, agnoskas la Statuton de la Asocio, partoprenas la agadon de la Asocio kaj pagas la fiksitajn aliĝ- kaj jarkotizojn.

3.3. La kolektivaj membroj de la Asocio povas iĝi la lokaj kluboj aŭ la lokaj grupoj de esperantistoj, la provincaj aŭ la regionaj unuiĝoj de individuaj esperantistoj kaj/aŭ kluboj kaj grupoj, specialaj aŭ fakaj unuiĝoj de esperantistoj, kondiĉe ke ili agnoskas la Statuton de la Asocio, partoprenas la plenumon de la taskoj, celataj de la Asocio kaj pagas por siaj membroj la fiksitajn aliĝ- kaj jarkotizojn.

3.4. Ĉiu esperantisto libere elektas la formon de aliĝo al la Asocio: aŭ per la kolektivoj de esperantistoj, aŭ senpere, kiel la individua membro pere de la aparta komisiono de la Asocio pri individuaj membroj.

3.5. La akcepto de la individuaj kaj kolektivaj membroj efektiviĝas post la prezento de la petskribo en la fiksita formo kun akompanaj informaj dokumentoj kaj post la pago de aliĝ- kaj la unua jarkotizoj; la individuaj membroj estas akceptataj per la komisiono de la Asocio pri individuaj membroj kaj la kolektivaj - per la prezidantaro de la Asocio.

3.6. Ĉiu membro de la Asocio ricevas la membrokarton de fiksita formo kaj la insignon de la membro de la Asocio.

3.7. La amplekso de la aliĝ- kaj jarkotizoj estas regulata per la speciala regularo, konfirmita de la konsilantaro de la Asocio.

3.8. La honoraj membroj estas elektataj far la konsilantaro de la Asocio el la vicoj de esperantistoj, kiuj estas famaj per sia scienca, literatura, organiza aŭ alia tipo de agado kaj kiuj faris gravan kontribuon en la aferon de disvastiĝo de la ideo de internacia lingvo aŭ kiuj efektivigis iujn aliajn gravajn servojn por la asocio. Esti elektitaj kiel honoraj membroj povas ne nur la civitanoj de Ukrainio, sed ankaŭ la civitanoj de aliaj landoj. La honoraj membroj estas liberigataj de la pagado de la necesaj membrokotizoj.

3.9. La membroj de la Asocio rajtas:
       3.9.1. Esti delegitaj al la kongreso, konferenco de la Asocio kun la decida voĉdonrajto, proponi la kandidatojn al ĉiuj elektotaj postenoj, esti elektitaj al ĉiuj elektotaj organoj de la Asocio.
       3.9.2. Partopreni ĉiujn aranĝojn de la Asocio.
       3.9.3. Turni sin al la organoj de la Asocio kun proponoj koncerne de la agado de la Asocio kaj ties organoj.
       3.9.4. Ricevadi la organizan, metodikan kaj aliajn tipojn de la helpo de la konvenaj organoj de la Asocio, uzi la sistemon de la plialtigo de sia Esperanta nivelo.
       3.9.5. Partopreni la agadon de specialaj, memfinancataj kaj aliaj fakoj de la Asocio, uzi iliajn servojn, propraĵon kaj materialan bazon de la Asocio.
       3.9.6. Esti delegitaj al la internaciaj aranĝoj de esperantistoj, kaj ankaŭ al la Esperantaj aranĝoj far la naciaj Esperantaj organizaĵoj.
       3.9.7. Ricevadi la informajn eldonaĵojn de la Asocio.

3.10. La membroj de la Asocio devas:
       3.10.1. Obei la Statuton de la Asocio.
       3.10.2. Plenumi la decidojn kaj la rezoluciojn de la gvidorganoj de la Asocio.
       3.10.3. Kontribui la disvastigadon de la lingvo Esperanto per ĉiuj alireblaj rimedoj.
       3.10.4. Konstante perfektigadi siajn lingvosciojn kaj efektive uzi ilin.
       3.10.5. Helpi al la gvidorganoj de la Asocio en la plenumo de la taskoj, celataj de la Asocio.
       3.10.6. Regule, je la fiksitaj periodoj informi la gvidorganojn de la Asocio pri la rezultoj de sia agado.
       3.10.7. Regule, je la fiksitaj periodoj pagadi la kotizojn, fiksitajn por la membroj de la Asocio.
       3.10.8. Zorgeme trakti la propraĵon de la Asocio, stimuli la plifortigadon de ĝia materiala bazo.

3.11. La membroj de la Asocio povas eksiĝi el la Asocio, prezentinte la konvenan petskribon al ĝia prezidantaro.

3.12. La individuaj kaj kolektivaj membroj de la Asocio, kiuj ne obeas tiun ĉi Statuton aŭ per sia agado kaŭzas la materialan aŭ la moralan malprofiton al la Asocio, povas esti eksmembrigitaj el la Asocio far la komisiono pri la individuaj membroj aŭ far la prezidantaro de la Asocio konvene. Tiu ĉi decido povas esti apelaciita en la konsilantaro de la Asocio aŭ en la kongreso.

3.13. La remembriĝo en la Asocio efektiviĝas per la aliĝo laŭ la komunaj principoj.

3.14. La esperantistoj malpli aĝaj ol 16 jaroj povas esti la plenrajtaj membroj de la Asocio (individuaj aŭ kolektivaj). Ili ne ricevas la membrokartojn, sed havas la samajn taskojn (krom la punktoj 3. 9. 1, 3. 9. 5, 3. 9. 6, 3. 10. 6 de tiu ĉi Statuto), kiel la plenaĝaj esperantistoj - la membroj de la Asocio; kaj esti prezentitaj en la estraro pere de la komisiono "La junaj esperantistoj".

3.15. Por la aktivigo de agado de la Asocio oni kreas lige al ĝi "La societon de de la amikoj de Esperanto" (SAE), kies membroj povas iĝi la personoj aŭ kolektivoj, ne uzantaj Esperanton en sia agado, sed subtenantaj la ideon de la internacia planlingvo kaj donantaj al la Asocio la materialan, metodikan, organizan aŭ alian helpon. SAE havas la staton de la Asocia komisiono kaj estas prezentita per ĝi en la estraro de la Asocio.

4. Organiza strukturo kaj la gvidorganoj de la Asocio

4.1. Organize la Asocio konsistas el du tipoj de strukturoj - la horizontala kaj la vertikala.

4.2. La horizontalan strukturon konsistigas la primaraj organizaĵoj de la Asocio: la kluboj, la grupoj kaj aliaj kolektivoj de esperantistoj, formiĝantaj far mem membroj de tiuj ĉi kolektivoj laŭ la geografia principo.
       4.2.1. La klubo de esperantistoj estas la organizaĵo de esperantistoj laŭ la loĝloko, kvante ne malpli ol 10 membroj, funkcianta aŭtonome laŭ la propra statuto, kiu ne devas kontraŭi la Statuton de la Asocio.
       4.2.2. La grupo de esperantistoj estas la uniuĝo de 3-9 esperantistoj laŭ la loĝloko kun la celo de la laborkunordigo.
       4.2.3. Surbaze de (mem)-promociiĝo kaj de la konsultoj la prezidantaro de la Asocio povas enoficigi el siaj individuaj membroj por la certa tempa periodo siajn regionajn aŭtoritatulojn (la provinco, distrikto, loĝpunkto) por dono de la organiza kaj metodika helpo en la aranĝo de la organiza agado.
       4.2.4. La kluboj kaj grupoj de esperantistoj, kaj ankaŭ la individuaj esperantistoj povas unuiĝi je la urbaj, provincaj kaj la regionaj (interprovincaj) organizaĵoj kaj aliĝi al UkrEA senpere aŭ per tiuj ĉi organizaĵoj.
       4.2.5. La komisiono pri la individuaj membroj havas la staton de la kolektiva membro de la Asocio kaj estas konsiderata kiel la primara organizaĵo.

4.3. La vertikalan strukturon de la Asocio kreas la komisionoj, la kolektivoj de esperantistoj, formitaj laŭ la profesia, la faka, la aĝa, la cela aŭ alia principo el la membroj de diversaj primaraj organizaĵoj.
       4.3.1. La komisionoj formiĝas por la kunordigado de la agado de membroj de la Asocio en certa direkto laŭ la neceso kaj la ebleco. Ili estas formataj far la kongreso de la Asocio , kaj dum la periodo inter la kongresoj - la prezidantaro de la Asocio.
       4.3.2. La estroj de la komisionoj estas enoficialigataj far la kongreso (la konferenco) de la Asocio kaj dum la periodo inter la kongresoj - far la konsilantaro de la Asocio.
       4.3.3. La Societo de la amikoj de Esperanto funkcias kun la rajtoj de la komisiono.

4.4. La gvidorganoj de la Asocio estas la kongreso, la konsilantaro kaj la prezidantaro.

4.5. La supera organo de la Asocio estas la kongreso, kunvokata unu fojon jare kun la prezent-normo, difinata far la prezidio de la Asocio. La kongreskvorumo konsistas el du trionoj da registritaj delegitoj.

4.6. La decidan voĉon en la kongreso havas nur la delegitoj de la primaraj organizaĵoj de la Asocio kaj la membroj de la prezidantaro. La aliaj membroj de la Asocio rajtas partopreni la kongreson kun la rajto de la konsila voĉo.

4.7. La ekstervica kongreso de la Asocio povas esti kunvokita laŭ la decido de la prezidantaro, la konsilantaro, la KRK kaj ankaŭ laŭ la postulo ne malpli ol unu triono da kolektivaj membroj de la Asocio.

4.8. La kongreso de la Asocio :
       4.8.1. Per la malkasĉa voĉdonado per la simpla voĉplimulto konfirmas (akceptas) la Statuton de la Asocio kaj, laŭnecese, enigas en ĝin la ŝanĝojn kaj amendojn.
       4.8.2. Aŭskultas la raportojn de la prezidantaro, de la konsilantaro kaj de la kontrol-revizia komisiono de la Asocio kaj pritaksas ilian laboron dum la raporta periodo.
       4.8.3. Elektas la prezidanton de la Asocio per la sekreta voĉdonado el kelkaj membroj de la Asocio, surbaze de la longtempaj programoj, prezentitaj de ili.
       4.8.4. Per la malkaŝa voĉdonado elektas la prezidantaron de la Asocio, la estrojn de la komisionoj, la kontrol-revizian komisionon de la Asocio.
       4.8.5. Determinas la ĉefajn direktion de la agado de la Asocio por la sekvanta periodo.
       4.8.6. Akceptas la decidojn pri la aliĝo de la Asocio al iuj ajn organizaĵoj, kies agado helpus al la plenumo de la Statut-decidoj de la Asocio.
       4.8.7. Elektas honorajn membrojn de la Asocio.
       4.8.8. Plenumas la subenomitajn funkciojn de la konferenco en okazoj de ĝia ĉiujara kunvokado.
       4.8.9. Plenumas aliajn gravajn taskojn enkadre de sia kompetenteco.

4.9. Dum la periodo inter la kongresoj la supera gvidorgano de la Asocio estas la konsilantaro de la Asocio, kies kunsidoj okazas laŭbezone, sed ne malpli ofte ol unu fojon jare. La kunsidkvorumo de la konsilantaro de la Asocio estas du trionoj el la lista kvanto de ĝiaj membroj. La decidoj de la konsilantaro estas akceptataj per la simpla voĉplimulto.

4.10. La konsilantaron de la Asocio konsistigas la membroj de du kategorioj:
       4.10.1. Elektitaj dum la kongreso la membroj de la prezidantaro kaj la estroj de la komisionoj kaj ankaŭ la estroj de la komisionoj, kreitaj dum la periodo inter la kongresoj kaj konfirmitaj far la konsilantaro de la Asocio.
       4.10.2. La aŭtoritatuloj de la primaraj organizaĵoj de la Asocio kun la membraro ne malpli ol 10. Xiu primara organizaĵo de UkrEA delegas dum la aliĝo al la Asocio unu sian aŭritatulon, kiu povas esti forvokita de ĝi kaj anstataŭigita per la alia.

4.11. La konsilantaro de la Asocio :
       4.11.1. Organizas kaj kontrolas la plenumon de la decidoj de la kongreso de la Asocio.
       4.11.2. Ekzamenas kaj konfirmas la jaran financan planon de la Asocio .
       4.11.3. Konfirmas la regularon pri la membro- kaj aliĝkotizoj kaj pri ilia pagordo.
       4.11.4. Pridiskutas la demandojn, ligitajn kun la internacia agado de la Asocio kaj ĝia partopreno la internaciajn aranĝojn de esperantistoj .
       4.11.5. Ekzamenas kaj konfirmas la kontraktojn pri la kunlaboro kun Esperantaj organizaĵoj de aliaj landoj.
       4.11.6. Konfirmas la jarajn laborplanojn de la Asocio.
       4.11.7. Laŭ la propono de la prezidantaro kreas la necesajn komisionojn kaj konfirmas iliajn estrojn.
       4.11.8. Konfirmas la lernoprogramojn kaj studoplanojn.
       4.11.9. Kooptas la membrojn de la prezidantaro okaze de foriĝo de la elektitaj membroj.
       4.11.10. Kreas kaj likvidas la specialajn, memfinancatajn kaj aliajn neelektajn fakojn, konfirmas la regularon pri ili kaj pri ilia personaro.
       4.11.11. Solvas aliajn gravajn taskojn de la agado de la Asocio.

4.12. La prezidantaro de la Asocio estas elektata far la kongreso (la konferenco) kaj konstante gvidas la agadon de la Asocio kaj reprezentas la Asocion dum la kontaktoj kun la sĉtatorganoj, la publikaj kaj aliaj organizaĵoj.

4.13. La prezidantaron konsistigas: la prezidanto, la unua vicprezidanto, kelkaj vicprezidantoj kaj la membroj. La membrokvanto de la prezidantaro estas difinata far la kongreso.

4.14. La kunsidoj de la prezidantaro okaziĝas laŭnecese sed ne malpli ofte ol unu fojon dum ĉiuj tri monatoj; ili estas legitimaj ĉe la ĉeesto de la du trionoj da ĝiaj membroj.

4.15. La prezidantaro :
       4.15.1. Realigas la decidojn de la kongreso kaj la konferencoj dum la periodo inter iliaj kunsidoj.
       4.15.2. Kompilas la jarajn laborplanojn de la Asocio.
       4.15.3. Kompilas la jarajn financajn planojn de la Asocio.
       4.15.4. Akceptas al UkrEA la novajn kolektivajn membrojn kaj eksigas el la membraro tiujn, kiuj ne plenumas la devojn, difinitajn de la Statuto.
       4.15.5. Preparas kaj kunvokas la kunsidojn de la konsilantaro de la Asocio kaj la kongresojn.
       4.15.6. Gvidas la eldonistan agadon de la Asocio .
       4.15.7. Eldonas la inform-bultenon de la Asocio.
       4.15.8. Iniciatas kaj subtenas la rilatojn kun la esperantistaj organizaĵoj de aliaj landoj kaj kun la internaciaj organizaĵoj, difinas la formojn de la partopreno de la Asocio en la internaciaj Esperantaj aranĝoj.
       4.15.9. Informas la publikon de Ukrainio kaj de aliaj landoj pri agado de la Asocio.        4.15.10. Analizas la mesaĝojn de esperantistaj kolektivoj kaj de apartaj esperantistoj koncerne la agadon de la Asocio.
       4.15.11. Gvidas la ekonomian agadon de la Asocio, respondecas pri la propraĵo kaj la financoj de la Asocio.
        4.15.12. Solvas ĉiujn aktualajn demandojn de la agado de la Asocio.

4.16. La prezidanto de la Asocio, kàj dum lia (sĉia) foresto - la vicprezidanto organizas la funkciadon de la prezidantaro de la Asocio, okazigas la kunsidojn, akceptas aŭ malakceptas de la nomo de la Asocio la ekonomiajn kontraktojn, kontrolas la funkciadon de la fakoj. Li (sĉi) rajtas dungi kaj maldungi la laborantojn, kune kun la librotenisto (la kasisto) de la Asocio subskribi la financajn dokumentojn, doni la konfidatestojn.

4.17. La vicprezidanto de la Asocio kaj la membroj de la prezidantaro gvidas la plej ĉefajn direktojn de la funkciado de la Asocio kaj kunordigas la laboron de la komisionoj kaj de la primaraj organizaĵoj.

4.18. La kontrolorgano de la Asocio estas la kontrol-revizia komisiono (KRK), elektota dum la kongreso de la Asocio kaj priresponda al ĝi. La KRK kontrolas la financan, ekonomian kaj aliajn flankojn de agado de la Asocio, la staton kaj la kalkuladon de la materialaj valoraĵoj, kontrolas la korektecon de la plenumo de la decidoj de la kongresoj kaj konferencoj, la staton de la dokumentaro en la organizaĵoj de la Asocio.

4.19. En la okazo de neebleco okazigi la kongreson de la Asocio en la ĝusta periodo, oni povas okazigi la referendumon laŭ la iniciato de la primaraj organizaĵoj pri certaj demandoj. La rezultojn de la referendumo oni konsideras validaj, se ĝin partoprenis ne malpli ol du trionoj da primaraj organizaĵoj.

4. 20. En la okazo de neebleco okazigi la kunsidon de la konsilantaro (la konferencon) en la ĝustaj periodoj, ĝiaj membroj rajtas laŭ la propra iniciato aŭ laŭ la iniciato de la prezidantaro organizi la perskriban voĉdonadon pri certaj demandoj.

5. La monrimedoj kaj financ-mastruma agado

5.1. La monrimedoj de la Asocio konsistas el:
        5.1.1. La asignaĵoj (la kotizoj) de la kolektivaj kaj individuaj membroj de la Asocio.
        5.1.2. La celdirektitaj kotizoj (la volontulaj oferoj) de organizaĵoj kaj de civitanoj.
        5.1.3. La enspezoj de la pagataj aranĝoj kaj de la ekonomia agado de la Asocio.
        5.1.4. La enspezoj de la funkciado de specialaj kaj memfinancataj fakoj de la Asocio.
        5.1.5. La enspezoj de la partopreno en la eldona agado.
        5.1.6. La subvencioj de sĉtataj, neregistaraj kaj publikaj organizaĵoj, de la fondusoj.
        5.1.7. La aliaj enspezoj.

5.2. La Asocio rajtas uzi la bankajn kreditojn.

5. 3. La decido pri la celdirektita financado de certaj programoj aŭ aranĝoj de la Asocio estas akceptata far la konsilantaro aŭ la prezidantaro de la Asocio.

5.4. La Asocio efektivigas la librotenadon kaj la statistikan raportadon en la ordo, difinita far la valida leĝaro.

5.5. La monrimedoj de la Asocio ne uzitaj en la kuranta jaro restas je ĝia dispono kaj eniĝas en la financan planon de la venonta jaro kiel la pasanta restaĵo.

5.6. La materialan respondecon pri la konservado de la monrimedoj kaj de alia propraĵo de la Asocio portas la prezidanto kaj la kasisto de la Asocio kaj ankaŭ la aliaj porsonoj, difinitaj per la regularo pri la specialaj kaj la memfinancataj fakoj de la Asocio.

6. Jura stato

6.1. La Asocio estas la jura persono. Konforme al ĝiaj taskoj kaj laŭ la valida leĝaro ĝi rajtas aĉeti, ricevi kiel donaco kaj eksproprietigi la propraĵon, malfermi kaj fermi la bankajn kontojn, fari kontraktojn kaj aliajn jurajn agojn, kaj speciale la internaciajn, procesi kiel la plendanto kaj plendato en tribunalo kaj arbitracio, kaj ankaŭ kunlabori kun la organizaĵoj, kies agado koincidas kun la taskoj de la Asocio.

6.2. La Asocio uzas la rajtojn de "La Asocio de afera kunlaboro kun eksterlando", ligas rektajn kaj nerektajn kontaktojn kaj efektivigas la aferan kunlaboron kun eksterlando.

6.3. La rajtojn de la jura persono povas uzi ankaŭ la kolektivaj membroj de la Asocio.

6.4. La Asocio havas propran blankfolion, la angulan stampilon, la rondan sigelon kun la emblemo de Esperanto kaj ĝia nomo en la ukraina kaj Esperanto lingvoj.

6.5. La Asocio rajtas fondi la entreprenojn.

6.6. La Asocio rajtas fondi la klubojn, la grupojn kaj aliajn unuiĝojn de la civitanoj laŭ ilial interesoj.

6.7 La Asocio havas por ĉiuj siaj membroj, apartenantaj al ĝi individue aŭ per esperantistaj kolektivoj la membrokarton de la fiksita formo kaj la insignon, konfirmitaj per la konsilantaro kaj ankaŭ la emblemon kaj simbolaron, konfirmendajn en la sama ordo.

6.8. La Asocio povas esti likvidita laŭ la decido de du sinsekvaj kongresoj de la Asocio, kondiĉe ke ilin ambaŭ partoprenis almenaŭ du trionoj da delegitoj kun plimulto de almenaŭ du trionoj da voĉoj.

6.9. Okaze de likvido de la Asocio la juraj kaj propraĵaj demandoj estas solvataj per la likvida komisiono konforme al la valida leĝaro.